EXPO 'Creatividade e Procesos' de Xosé Vizoso
Xosé Vizoso (Mondoñedo, 1950) é todo un referente do deseño gráfico en Galicia. Constátano as catro décadas coroando o deseño da marca Sargadelos, os douscentos cincuenta carteis de eventos culturais e os súas máis de trescentas ilustracións para libros; pintor de grandes murais e autor de diversas esculturas conmemorativas.
A FUNDACIÓN ARTIAGA promove agora a exposición Xosé Vizoso. Creatividade e procesos presentando por primeira vez ante o público ese mundo procesual descoñecido, que enriquece notablemente a súa longa traxectoria artística.
Ao longo da exposición, o espectador descubrirá un mundo cheo de xestualidades esvaecidas durante o proceso creativo que fan que a obra de Vizoso abandone a comodidade de estar catalogada entre as marxes do deseño gráfico, a ilustración ou a artesanía, e pase a establecer un diálogo con aqueles
que descubren novos significados en cada reconsideración.
Aproveitando calquera soporte e momento, Vizoso esboza escenas, elabora retratos, rememora momentos e a persoas, deixando de lado o que estivese a facer e centrándose naquilo que quere representar. A súa incansable actitude creativa fai que pasar unhas horas con el sexa unha oportunidade para descubrir novas facetas artísticas nos seus estudos.
Foi o filósofo estadounidense John Dewey (1859-1952) quen en 1910 fixo un exhaustivo estudo das fases do pensamento creativo establecendo cinco niveles dentro do proceso: atopar unha dificultade, localizar e precisar a mesma, expor unha posible solución, desenvolver de forma lóxica a formulación proposta e, por último, a observación e procedemento experimental. Tres anos despois, o matemático francés Henri Pointcaré (1854-1912) sintetizou o proceso en catro etapas: preparación, incubación, iluminación e verificación, as cales foron reafirmadas e consideradas polo psicólogo inglés Graham Wallas (1858-1932), quen no seu libro A arte do pensamento (1929), ademais de introducir a creatividade como tema dentro da ciencia, consideraba esta capacidade como algo que salvaría á humanidade dun tráxico destino, algo universal sempre e cando existise a inspiración. A maior achega de Wallas foi que, non tendo que ser necesaria mente a orixe do proceso, a inspiración poderíase atopar a condición de que se tivese a mente aberta a ato par esas musas das que tanto se escoitaba falar no ámbito artístico e que o cerebro traballa de forma mesmo inconsciente buscando solucións ás inquietudes que fan do proceso algo etéreo, a non ser que este se rexistre.
Datas da exposición
14may.2021 15may.2021 16may.2021 17may.2021 18may.2021 19may.2021 20may.2021 21may.2021 22may.2021 23may.2021 24may.2021 25may.2021 26may.2021 27may.2021 28may.2021 29may.2021 30may.2021 31may.2021 01jun.2021 02jun.2021 03jun.2021 04jun.2021 05jun.2021 06jun.2021 07jun.2021 08jun.2021 09jun.2021 10jun.2021 11jun.2021 12jun.2021 13jun.2021 14jun.2021 15jun.2021 16jun.2021 17jun.2021 18jun.2021 19jun.2021 20jun.2021 21jun.2021 22jun.2021 23jun.2021 24jun.2021 25jun.2021 26jun.2021 27jun.2021 28jun.2021 29jun.2021 30jun.2021🎨 exposición
Guía de Vilagarcía de Arousa
