CHARLA con Alberto Avendaño "Que hostia din os rumorosos?"en O Faiado da Memoria

20h xoves 27 de maio do 2021 en O Faiado da Memoria, Praza de Ravella, Vilagarcía. Entrada libre. 

CHARLA con Alberto Avendaño "Que hostia din os rumorosos?"en O Faiado da Memoria 

Charla co veciño ALBERTO AVENDAÑO.
Alberto Avendaño (Vigo, 1957), escritor e xornalista, retornado da emigración norteamericana, onde traballou -entre outros medios- como director de Tiempo Latino, e no The Washington Post, radicouse en Vilagarcía de Arousa. Gañador de tres premios Emmy.
Licenciado en filoloxía inglesa, foi tamén profesor de inglés en Galicia e nos Estados Unidos de América.

Na metada da décade de 1970 fundou en Vigo, con Antón Reixa e Manuel Romón, o Grupo de Comunicación poética Rompente, co que revolucionaron a escrita literaria daquel tempo, marcado pola poesía social e a denuncia política, da que non foron alleos, máis avanzando cara o vagardismo. Rompente fixo da cultura literaria un espectáculo visual e auditivo rompedor, modernista, con experimentacións que deixaron un ronsel de seguidores entre as novas xeracións poéticas.
Alberto Avendaño é autor de varias obras, individuais e colectivas, entre as que destacan:
Silabario da turbina (1977); Facer pulgarcitos tres (1979); a versión teatral de O mozo que chegou de lonxe (1990); Washinton (2017) ou Pandemia (2020).

Dende que desaparece o Grupo Rompente, en 1983, non volverán xuntarse os seus membros, ata que o retorno a Galicia de Alberto Avendaño cohesiona e motiva a refundación deste colectivo que promove nestes días o que será o seu novo libro: Que hostia dín os rumorosos?

O Faiado da Memoria comenza a sair dos tempos confinados pero é importante a túa presencia. mais que importante é imprescendible. Agora que xa case estamos todos vacunados, senón das dúas dosis, alo menos dunha, é o momento de volver a vivir e darlle osíxeno ao cerebro. 
Esperámosvos.

27may.2021 Guía de Vilagarcía Arousa 
💬 acto, literatura