CAMPAMENTO URBANO DE INGLES (30-31mar)
Lunes a miércoles, 9:00h-14:00h, formación en Auditorio
Inscripción previa 9 a 21 de marzo, 80 plazas
Actualización 23 marzo- XUVENTUDE DUPLICA AS PRAZAS DO CAMPAMENTO DE INGLÉS QUE SE CELEBRA EN SEMANA SANTA
Ao final serán un total de 80 os nenos e nenas que poderán participar na ludoteca bilingüe
O Campamento urbano ebn inglés que organiza a Concellería de Xuvebntude de cara ás vacacións escolares de semana Santa recibiu unha excelente acollida por parte das familias. O elevado numero de inscricións tramitadas fixo que o departamento que dirixe Sandra García decidira duplicar o número de prazas ofertadas inicialmente, polo que ao final serán 80’ os nenos e nenas de entre 3 e os 7 anos que poderán tomar parte na actividade que se impartirá de balde.
A convocatoria do campamento en inglés de Semana Santa fíxose con 40 prazas disponibles, un número que se veu ampliamente superado pola demanda. Dada a boa acollida desta ludotecas experimental bilingüe, a titular de Xuventude optou por facilitar que ningún dos interesados quedase sen poder asistir, polo que se abriron outras 40 prazas. Con esta ampliación terán cabida todos os nenos inscritos dentro do prazo establecido e que cumpren os requisitos nas bases, polo que non haberá lista de agarda.
O campamento en inglés para a Semana Santa pretende é unha das actividades que organiza Xuventude ao longo do ano co obxectivo de cubrir o tempo de vacacións do público infantil dun xeito divertido e educativo, que ademais permita a conciliación das familias. No proxecto socio educativo para esta Semana Santa, a Concellería decidiu engadir a variante da lingua estranxeira dada a importancia que ten na sociedade actual o manexo doutros idiomas e que a súa aprendizaxe resulta moito máis doada cando a comeza a idades temperás.
O Campamento Urbano de Inglés de Semana Santa celebrarase os días 30 e 31 de marzo e 1 abril en horario de mañá (de 9 a 14 horas) no Auditorio.
Actualización 7 marzo- XUVENTUDE ABRE O LUNS O PRAZO PARA CUBRIR AS 40 PRAZAS DO CAMPAMENTO URBANO DE INGLÉS EN SEMANA SANTA
A actividade é gratuíta e está destinada a nenos e nenas de 3 a 7 anos
Vilagarcía de Arousa, 7 de marzo de 2015.- A Concellería de Xuventude abre o luns, 9 de marzo, o prazo para inscribirse no Campamento Urbano en Inglés a celebrar en Semana Santa. A actividade lúdico-educativa está dirixida a nenos e nenas de entre 3 e 7 anos de idade e disponse de 40 prazas. A participación é gratuíta e as prazas cubriranse por orde de inscrición. O prazo para facer o trámite remata o 21 de marzo.
O departamento que dirixe Sandra García organiza unha nova actividade para cubrir o tempo de vacacións do público infantil dun xeito divertido e educativo que ademais permita a conciliación das familias. Este é o enfoque que Xuventude lle da a todas as ludotecas que organiza, aínda que de cara á Semana Santa optou por engadir a variante da lingua estranxeira, dada a importancia que ten na sociedade actual o manexo doutras linguas e que este resulta moito máis doado cando a aprendizaxe comeza a idades temperás.
A través dos xogos e actividades creativas, os pequenos poderán familiarizarse coa lingua de Shakespeare da man dos monitores especializados da academia infantil Kid&Us. Durante as tres mañáns nas que se desenvolverá o campamento, os participantes realizarán xogos, cantarán, asistirán á hora do conto, farán manualidades e actividades creativas de diverso tipo, á vez que aprenden vocabulario, expresións e estruturas gramaticais básicas en inglés.
O Campamento Urbano de Inglés de Semana Santa celebrarase os días 30 e 31 de marzo e 1 abril en horario de mañá (de 9 a 14 horas) no Auditorio. As bases pódense consultar no taboleiros de anuncios da web municipal e o formulario de inscrición tamén se poderá imprimir dende aí.
O Campamento Urbano de Semana Santa ensinará inglés aos cativos
A Concellería de Xuventude organiza unha nova actividade para cubrir o tempo de vacacións do público infantil dun xeito divertido e educativo que ademais permita a conciliación das familias. Este é o enfoque que o departamento que dirixe Sandra García lle da a todas as ludotecas que organiza, aínda que de cara á Semana Santa optou por engadir a variante da lingua estranxeira dada a importancia que ten na sociedade actual o manexo doutras linguas e que este resulta moito máis doado cando a aprendizaxe comeza a idades temperás. Por iso, o de Semana Santa será un Campamento Urbano de Inglés, no que cativos de 3 a 7 anos familiarizaranse coa lingua de Shakespeare a través dos xogos e actividades creativas.
O Campamento Urbano de Inglés de Semana Santa celebrarase os días 30 e 31 de marzo e 1 abril en horario de mañá (de 9 a 14 horas) no Auditorio. A actividade é gratuíta e disponse de 40 prazas a cubrir por rigorosa orde de inscrición entre os solicitantes. O prazo para anotarse vai do 9 ao 21 de marzo. As bases pódense consultar no taboleiros de anuncios da web municipal e o formulario de inscrición tamén se poderá imprimir dende aí.
