O CICLISMO PROFESIONAL REGRESA A VILAGARCÍA O DOMINGO CO PASO DA VOLTA A GALICIA
Os diferentes servizos municipais coordinan as medidas a adoptar con motivo do evento
A incidencia desta proba na circulación será moito menor que a da Volta a España posto que se celebra en día non laborable e non hai caravana publicitaria
Vilagarcía de Arousa, 18 de setembro de 2014.- Transcorrida apenas unha semana dende o paso da Volta Ciclista a España por Vilagarcía, o Concello prepárase xa para dar a benvida aos corredores que participan na Volta a Galicia que se celebra esta fin de semana. Coa experiencia da semana pasada, os servizos municipais xa se coordinaron para pechar o operativo que se desenvolverá o domingo pola mañá, cando está previsto o paso do pelotón pola cidade no marco da etapa final da Volta a Galicia con saída e meta en Sanxenxo.
Seguindo o plan de traballo doutras ocasións, a concelleira de Deportes, Elena Suárez, presidiu a reunión cos responsables da Policía Local Protección Civil e Emerxencias co obxecto de analizar o percorrido da Volta a Galicia polo municipio e adoptar o plan de tráfico e outras medidas a realizar para o normal desenvolvemento do evento deportivo.
A repercusión da competición ciclista galega no tráfico da cidade será moito menor que o da Volta a España por circunstancias como que terá lugar en domingo -día con menos intensidade de tráfico que un laborable-, e que, a diferencia da proba nacional, non ven precedida por unha caravana publicitaria que obriga a ampliar o tempo dos cortes de tráfico.
Procedentes da estrada do Pousadoiro, os corredores da Volta a Galicia entrarán no termo municipal de Vilagarcía o domingo a mediodía pola Rúa o Vento e Os Martices, pasarán a rotonda das Mans para dirixirse pola Avenida das Carolinas á rotonda da Luz Salgada, onde xirarán para continuar por Rodrigo de Mendoza e repetir por aquí o percorrido da Volta a España, xirando na Glorieta da Mariña Española para subir cada a Lobeira por Agustío Romero e a Avenida de Cornazo.
A organización prevé que a chegada dos ciclistas a Vilagarcía se produza entre as 12:20 e as 12:40 horas, dependendo da velocidade á que vaia discorrendo a etapa. O corte de tráfico nas rúas afectadas non se iniciará ata que a cabeza do pelotón estea próxima a entrada en Vilagarcía, seguindo as instrucións da avanzadilla da Garda Civil que irá dando o aviso.
A duración do peche do tráfico será maior ou menor en función de si o pelotón chega unido ou si hai escapados que espacien o paso dos corredores. En calquera caso, estímase que a restrición durará entre no primeiro dos casos 10 minutos, e 20 no segundo.
No traxecto afectado hai un total de 54 cruces transversais nos que se situarán axentes da Policía local e efectos de Emerxencias co obxectivo de regular o tráfico e proceder ao peche cando dean o aviso.
En canto aos aparcamentos, só será preciso liberar dous tramos de vía en zonas de especial dificultade para os corredores debido a estreiteza da vía. O primeiro na Avenida Rodrigo de Mendoza, a altura das palmeiras, e o segundo no primeiro tramo de Agustín Romero, neste caso porque o xiro en ángulo pechado que realizarán os ciclistas na glorieta da Mariña Española incrementa os riscos.
As zonas afectadas serán sinalizadas con vallas informativas días antes. Os estacionamentos nestes puntos deberán quedar completamente libres ás 10:30 horas do domingo. A partir dese momento, os vehículos que permanezan nas zonas sinalizadas serán trasladados pola grúa municipal.
Como a semana pasada con motivo da Volta a España, o Concello prega a maior colaboración de condutores e cidadáns aos que se lles pide que eviten circular pola zona do percorrido da proba deportiva nos horarios sinalados, e que sigan as instrucións dos axentes e efectivos de Emerxencias.
Vilagarcía de Arousa, 18 de setembro de 2014.- Transcorrida apenas unha semana dende o paso da Volta Ciclista a España por Vilagarcía, o Concello prepárase xa para dar a benvida aos corredores que participan na Volta a Galicia que se celebra esta fin de semana. Coa experiencia da semana pasada, os servizos municipais xa se coordinaron para pechar o operativo que se desenvolverá o domingo pola mañá, cando está previsto o paso do pelotón pola cidade no marco da etapa final da Volta a Galicia con saída e meta en Sanxenxo.
Seguindo o plan de traballo doutras ocasións, a concelleira de Deportes, Elena Suárez, presidiu a reunión cos responsables da Policía Local Protección Civil e Emerxencias co obxecto de analizar o percorrido da Volta a Galicia polo municipio e adoptar o plan de tráfico e outras medidas a realizar para o normal desenvolvemento do evento deportivo.
A repercusión da competición ciclista galega no tráfico da cidade será moito menor que o da Volta a España por circunstancias como que terá lugar en domingo -día con menos intensidade de tráfico que un laborable-, e que, a diferencia da proba nacional, non ven precedida por unha caravana publicitaria que obriga a ampliar o tempo dos cortes de tráfico.
Procedentes da estrada do Pousadoiro, os corredores da Volta a Galicia entrarán no termo municipal de Vilagarcía o domingo a mediodía pola Rúa o Vento e Os Martices, pasarán a rotonda das Mans para dirixirse pola Avenida das Carolinas á rotonda da Luz Salgada, onde xirarán para continuar por Rodrigo de Mendoza e repetir por aquí o percorrido da Volta a España, xirando na Glorieta da Mariña Española para subir cada a Lobeira por Agustío Romero e a Avenida de Cornazo.
A organización prevé que a chegada dos ciclistas a Vilagarcía se produza entre as 12:20 e as 12:40 horas, dependendo da velocidade á que vaia discorrendo a etapa. O corte de tráfico nas rúas afectadas non se iniciará ata que a cabeza do pelotón estea próxima a entrada en Vilagarcía, seguindo as instrucións da avanzadilla da Garda Civil que irá dando o aviso.
A duración do peche do tráfico será maior ou menor en función de si o pelotón chega unido ou si hai escapados que espacien o paso dos corredores. En calquera caso, estímase que a restrición durará entre no primeiro dos casos 10 minutos, e 20 no segundo.
No traxecto afectado hai un total de 54 cruces transversais nos que se situarán axentes da Policía local e efectos de Emerxencias co obxectivo de regular o tráfico e proceder ao peche cando dean o aviso.
En canto aos aparcamentos, só será preciso liberar dous tramos de vía en zonas de especial dificultade para os corredores debido a estreiteza da vía. O primeiro na Avenida Rodrigo de Mendoza, a altura das palmeiras, e o segundo no primeiro tramo de Agustín Romero, neste caso porque o xiro en ángulo pechado que realizarán os ciclistas na glorieta da Mariña Española incrementa os riscos.
As zonas afectadas serán sinalizadas con vallas informativas días antes. Os estacionamentos nestes puntos deberán quedar completamente libres ás 10:30 horas do domingo. A partir dese momento, os vehículos que permanezan nas zonas sinalizadas serán trasladados pola grúa municipal.
Como a semana pasada con motivo da Volta a España, o Concello prega a maior colaboración de condutores e cidadáns aos que se lles pide que eviten circular pola zona do percorrido da proba deportiva nos horarios sinalados, e que sigan as instrucións dos axentes e efectivos de Emerxencias.
