Trátase do primeiro film realizado en Europa na técnica do Stop-Motion esteoroscópica e os protagonistas son bonecos de actores reaisA entrada infantil costa 1 euro e a de adultos 3
O Auditorio Municipal acolle esta fin de semana dúas sesións da película galega de animación "O Apóstolo", unha historia de misterio protagonizada por bonecos de actores reais e moi coñecidos. De feito, o protagonista é o actor vilagarcián, Carlos Blanco. A película dirixida por Fernando Cortizo proxectarase coa dobraxe en galego, o sábado, ás sete da tarde, e o domingo ás seis. As entradas custan 3 euros para público adulto e 1 euro para o infantil. A cualificación deste film é para maiores de 7 anos.
A película de galega de animación "O Apóstolo" é a primeira en Europa en gravarse coa técnica do Stop Motion esteoroscópica, realizada integramente en Galicia e coa participación de técnicos internacionais que teñen participado en películas como "La novia cadáver" ou "El Señor de los Anillos".
A historia de misterio e lendas do outro mundo da tradición popular galega desenvólvese nunha típica aldea de montaña rodeada de frondosas fragas de carballos. Os misteriosos habitantes da aldea agochan un segredo que será descuberto polo protagonista, un ladrón que acode ao pobo disfrazado de peregrino para atopar un botín dun antigo roubo.
Os bonecos que protagonizan o film levan a cara dos actores reais que os dobran, sendo o protagonista principal o vilagarcián Carlos Blanco. Tamén aparecen na película outros coñecidos actores como Celso Bugallo, Jorge Sanz, Luis Tosar, Geraldine Chaplin, Manquiña Isabel Blanco, Pico, Pedro Alonso e ata o falecido Paul Naschy. Outros dos elementos a destacar desta película son a música, composta por Philip Glass, e mesmo os decorados, tamén moi galegos, xa que as maquetas da fraga realizouse con cepas da adega Martín Códax, coas que se simularon os troncos dos carballos centenarios. A madeira destas cepas tamén se utilizou para construír os interiores da taberna da aldea.
As entradas poden adquirirse de xeito anticipado a través da web servinova.com e do teléfono 902 504 500, e no Auditorio a partir das cinco da tarde o sábado e das catro o domingo.
